Estudante sira husi departamentu de Geologia e Petróleo, Fakuldade de Engenharia, Ciênicias e Technologia (FECT), Universidade Nacional Timor Lorosa’e (UNTL) halao pratika iha Laboratoriu Geologia Hera, objetivu husi aktividade ne’e mak atu halo perparasaun lamina delegadas ba petrografia nomos preparasaun acetate peels ba analiza fosil. Aktividade ne’e hahu husi dia 09 de Febereiro, 2016 to’o 24 de Febereiro, 2016.

Estudante ne’ebe halo preparasaun ba lamina delegadas no acetate peels fahe ba grupu 12 no kada grupu envolve estudante nain 5-6, husi total estudante nain 57. Grupu hirak ne’e akompanha husi funsionariu Laboratoriu IPG (Unidade Laboratoriu no Litoteka, Divizaun Investigasaun Geologia) no mos dosente Jeolojia sira husi UNTL.

OUTPUT:
1. Perparasaun lamina delegadas ba petrografia hahu husi: kunhesementu equipamentus no material laboratoriu, maneja base de dadus amostra, koa fatuk, lisa fatuk no vidru uja gerindra no makina logitech, kola fatuk no hamaran uja raios ultra-violeta, no ikus liu produz lamina delegadas (thin section).
2. Perparasaun acetate peels ba analiza fosil iha fatuk kalkariu hahu husi: kunhesementu equipamentus no material laboratoriu, maneja base de dadus amostra, koa fatuk, fase amostra ka fatuk ho Ácido Clorídrico (HCl), kola amostra uja acetate paper no acetone, ikus liu mak faze analiza amostra uja equipamentu mikroskopiu polarisator

Estudante sira halo preparasaun ba acetate peels iha sala palentologia

Estudante sira halo perparasaun Lamina delegadas iha sala koa fatuk

Estudante sira kola fatuk iha sala logitech