Durante semana rua (2) resin funsionarius tekniku nain rua (2); Sr. Luis Teofilo da Costa ho Inacio Gusmão, Instituto do Petróleo e Geologia (IPG) husi Divizaun Risku Jeolojiku no Devizaun Jestaun no Baze-Dadus Informasaun Jeolojiku halao trainamentu konaba Real-time Earthquakes and Tsunami Monitoring iha RIMES (Regional Integrated Multi-Hazard Early Warning System for Africa and Asia), Thailandia.

Objetivu husi trainamentu ida neé atu aumenta spesialidade tekniku nian iha area spesifiku. Iha trainamentu neé Tekniku sira aprende konaba distribuisaun, akuizisaun, prosesa no analiza dadus Seismu no dezenvolve sistema suporta deziminasaun.

Alende trainamentu Tekniku, IPG mos halao Asina Akordu Teknika hodi halao peskija no monitorizasaun iha area Rainakdoko no Tsunami nomos Inundasaun (Flooding). Asina Akordu Tekniku ida neé realize iha loron Sexta-feira: 2 Setembru 2016. Sr. Jorge Martins neébe hanesan Vice Presidente no Sr. Eugenio Soare (Diretur Risku Jeolojiku) reprezenta IPG Asina Akordu Tekniku ho  RIMES neébe mak reprezenta husi Sr. A.R. Subbiah (Diretur RIMES) no Sr. Elouie R. Lepiten (Spesialista Instrumentu).

Imajen iha leten parte liman karuk hatudu: Asina Akordu, iha parte liman los hatudu entrega no truka dokumentu Akordu Tekniku, no Imajen iha Karaik hatudu foto hamutuk representantes husi IPG no RIMES, Thailandia; 2/9/2