Instituto do Petróleo e Geologia (IPG) hanesan Instituto Público Governo Timor Leste nian ne’ebé estabelese iha tinan 2012, liu husi decreto lei no. 33/2012 de julho 2012 ho objetivu prinsipal atu koleta dadus jeolójikus, halo estudu no investigasaun sientífiku, no produz informasaun jeolójiku, inklui rekursus minerais, petróleo no gas.

Mapa jeolojia hanesan mapa ida ne’ebé hatudu distribuisaun husi tipu fatuk no depózitu superfisial ne’ebé diferente, estrutura jeolojia ne’ebé vizível iha rai-leten, no mós relasaun jeolojia entre tipu fatuk hira ne’ebé iha.

Atu tradus rekursu hirak ne’e iha mapa jeolojia nia laran, hodi produz ba públiku, durante ne’e IPG produz ona mapa jeolojia barak ho formatu, koor formasaun/fatuk, no símbolu ne’ebé lahanesan. Tan ida ne’e, iha tinan 2016 institusaun halo ona estandardizasaun ba mapa jeolojia ne’ebé atu hafasil ema hodi bele komprende no le’e mapa jeolojia, estandardizasaun ne’ebé institusaun kria maka sei utiliza ba mapa jeolojia hotu – hotu ne’ebé produz husi institusaun ne’e hodi bele fo informasaun ba rekursu naturais, risku jeolojia no informasaun jeolojia seluk tan ne’ebé hodi suporta ba dezenvolvimentu nasional.

Dili, Tersa-feira, 12 de janeiru 2016